મુખ્ય ચૂંટણી કમિશનરે આજે ચૂંટણી કમીશનના કાર્યાલયમાં આયોજીત એક પત્રકાર પરિષદમાં દિલ્હી વિધાનસભાની આવનારી ચૂંટણીઓનો કાર્યક્રમ જાહેર કર્યો હતો.
નવી દિલ્હી: આજે મુખ્ય ચૂંટણી કમિશનર સુનિલ અરોરાએ દિલ્હી વિધાનસભાની આગામી ચૂંટણીઓની જાહેરાત કરી હતી. દિલ્હીમાં એક જ રાઉન્ડમાં તમામ 70 બેઠકો પર ચૂંટણી આયોજીત થશે.
દિલ્હી વિધાનસભા ચૂંટણીઓની મહત્ત્વની તારીખો:
નોટીફીકેશન: 14 જાન્યુઆરી, 2020 મંગળવાર
ઉમેદવારી પત્રો ભરવાની છેલ્લી તારીખ: 21 જાન્યુઆરી, 2020 મંગળવાર
ઉમેદવારી પત્રો ચકાસવાની તારીખ: 22 જાન્યુઆરી, 2020 બુધવાર
ઉમેદવારી પત્રો પાછા ખેંચવાની તારીખ: ૨૪ જાન્યુઆરી 2020 શુક્રવાર
મતદાન: 8 ફેબ્રુઆરી 2020, શનિવાર
મતગણતરી: 11 ફેબ્રુઆરી 2020, મંગળવાર
દિલ્હી વિધાનસભાની કુલ 70 બેઠકોમાંથી ગત ચૂંટણીઓમાં આમ આદમી પાર્ટીએ (AAP) 67 બેઠકો જીતી હતી જ્યારે ભારતીય જનતા પાર્ટીએ માત્ર 3 બેઠકો જીતી હતી. કોંગ્રેસ ગત ચૂંટણીઓમાં એક પણ બેઠક જીતી શકી ન હતી.
દિલ્હી વિધાનસભાની ચૂંટણીની જાહેરાત આજે ચૂંટણી કમીશન દ્વારા થવાની સાથેજ દિલ્હી રાજ્યમાં આદર્શ આચારસંહિતા લાગુ થઇ ગઈ છે.
eછાપું