કોરોના કાળમાં ઇન્ફોર્મેશન ટેક્નોલોજી અને મીડિયા ક્ષેત્રમાં બહોળા પ્રમાણમાં તેજી આવી છે. લોકો લોકડાઉનમાં પોત-પોતાના રહેઠાણમાં રહીને ટેક્નોલોજી સાથે વધુ સમય વિતાવીને ટેક્નોલોજી અને તેના વપરાશથી તેની વધારે નજીક આવ્યા છે. આ સ્વર્ણિમ તકનો લાભ ઉઠાવતા ઘણી મોટી IT કંપનીઓ લોકોને લોભામણી જાહેરાત કરતાં અનેક નવા પ્રયોગો કરી રહી છે.
OnePlus, Google, Samsung જેવી IT ક્ષેત્રે રહેલી અગ્રણી કંપનીઓએ છેલ્લા 2 અઠવાડિયામાં પોતાના સત્તાવાર જાહેર કરેલા નવા નવા અને લોકોને ખૂબ જ આકર્ષિત થતાં મોબાઈલ ફોન્સ લોંચ કર્યા છે.
આ જોતાં, આ બધી જ કંપનીઓથી સર્વોધિક યુઝર્સ રાખતી Apple પાછળ રહે એમ નથી. તેણે પણ પોતાના તદ્દન નવા ફલેગશીપ ફોન વિષે ટૂંક સમયમાં જાહેરાત કરવાનું સૂચન કર્યું છે.
Apple એ ગયા મહિને એક ઇવેન્ટ યોજી હતી, જેમાં નવી Apple વોચ સિરીઝ 6, Apple વોચ SE, નવા iPad અને iPad Air ડિવાઇસીસ લોંચ કર્યા હતા.
હવે સત્તાવાર વાત એવી છે કે, Apple આઇફોન્સની આગલી લાઇન-અપ 13 ઓક્ટોબરે લાવે છે.
Apple એ લોકોની અપેક્ષા મુજબ વર્ચુઅલ લોંચ શું હશે અને કેવી રીતે હશે તે માટે પ્રેસ આમંત્રણો મોકલીને તારીખની પુષ્ટિ કરી છે.
iPhone 12 સિરીઝ 13 ઓક્ટોબરના રોજ 10:30 IST વાગ્યે વર્ચુઅલ ઇવેન્ટમાં રજૂ કરવામાં આવશે.
આ સામાન્ય રૂટિનથી નોંધપાત્ર ફેરફાર છે, અન્યથા Apple દર વર્ષે સપ્ટેમ્બરમાં નવા આઇફોનની ઘોષણા કરે છે.
કોવિડ રોગચાળાને લીધે આ વર્ષે વસ્તુઓ જુદી બની રહી છે અને તેના લીધે iPhone અપડેટ્સ સામાન્ય સમય કરતાં એક મહિના પછી આવે છે. Apple એ ઉનાળા દરમિયાન પણ કહ્યું હતું કે, iPhone 12 લોંચ થવામાં થોડા અઠવાડિયામાં મોડું થશે.
હવે જ્યારે આપણી પાસે ઓફિશિયલ લોન્ચિંગ તારીખ છે, ત્યારે ચાલો આપણે નવા આવી રહેલા iPhone 12 શ્રેણી વિશે જે જાણીએ છીએ તે જોઈએ.
iPhone 12 ના વિવિધ પ્રકારો કેટલા છે?
- સૌથી અગ્રણી માન્યતામાંથી એક એ હકીકત રહી છે કે, Apple આ વર્ષે નવા iPhoneનાં ચાર પ્રકારો લાવી શકે છે.
- ચાર વિવિધ પ્રકારો વિવિધ કદમાં આવતા હોવાનું કહેવામાં આવે છે.
- Apple દ્વારા iPhone 12 Mini (4 ઇંચની સ્ક્રીન સાથે), iPhone 12 અને iPhone 12 Pro (6.1-ઇંચ સ્ક્રીન સાથે) તથા iPhone 12 Pro Max (6.7-ઇંચની સ્ક્રીન સાથે) લોન્ચ થવાની સંભાવના છે.
- 6.7 ઇંચનું ડિસ્પ્લે જો લોંચ થાય તો તે સૌથી મોટો iPhone હશે.
iPhone 11 થી પણ સસ્તો હશે iPhone 12?
- બીજું અપડેટ કે જેણે નોંધપાત્ર ધ્યાન ખેંચ્યું તે છે, iPhone 12ની કિંમત.
- iPhone 12 ગયા વર્ષના iPhone 11ની તુલનામાં સસ્તી કિંમતે મળવાનું શરૂ થવાનું કહેવામાં આવે છે.
- iPhone 12 Mini માટે 47,586 રૂપિયા ધારવામાં આવે છે, જે ગયા વર્ષે આવેલા iPhone 11ની શરૂઆતી કિંમત રૂ. 51,400ની સામે સ્પસ્ટ રીતે ઓછી છે.
- ગયા અઠવાડિયે આવેલા અહેવાલ પ્રમાણે iPhone 12 ના તમામ ભાવોનો સંકેત આપવામાં આવ્યો હતો. તેમાં કહેવામાં આવ્યું છે કે, iPhone 12 Pro Maxની કિંમત 1,02,890 રૂપિયા હોઈ શકે છે.
iPhone 12 સાથે નવી ડિઝાઇન આવશે?
- એવું જાણવા મળ્યું છે કે Apple તેના iPhone 12 રેન્જને તદ્દન નવી ફરીથી ડિઝાઇન આપશે.
- કંપની નવા iPhoneને iPhone 6 સીરીઝથી શરૂ કરેલા કર્વ ડિઝાઈનને બદલે ફ્લેટ બાજુઓ સાથે iPhone 4 જેવી ડિઝાઇન આપશે, તેમ કહેવામાં આવી રહ્યું છે.
બે નવા રંગમાં હશે iPhone 12?
- નવા iPhone 12 સિરીઝ નવા નેવી બ્લુ અને રેડ કલરમાં આવી શકે છે.
- ગયા મહિનાના અહેવાલમાં કહેવામાં આવ્યું હતું કે, આ વર્ષે નેવી બ્લૂ અને લાલ રંગ તેના ફ્લેગશિપ મોડેલોમાં લાવી શકે છે.
iPhone 12 પાવર એડેપ્ટર વિના આવી શકે છે?
- Apple સપ્ટેમ્બરમાં લોન્ચ થયેલ તેના નવા Apple વોચ અને iPad વેરિયન્ટ્સ સાથે પાવર એડેપ્ટર આપી રહ્યું નથી.
- એપલ તરફથી તેની 15 સપ્ટેમ્બરની ઇવેન્ટ દરમિયાન પ્લાસ્ટિકનો વપરાશ ઘટાડવા અને પર્યાવરણ બચાવવા ખાસ જાહેરાત કરવામાં આવી હતી.
- કંપનીએ iPhone 12 માટે એડેપ્ટર ના આપવાની ઘણી અટકળો પછી આવી છે.
iPhone 12ના સંભવિત ફીચર્સ!
- iPhone 12ની સાથે એપલનું નવું A-14 બાયોનિક પ્રોસેસર આવી રહ્યું છે.
- iPhone 12 સીરીઝની બે સુવિધાઓ છે જે નિશ્ચિત છે.
- જેમાં, હવે આ નવા iPhones ને રેમની માત્રા માટે વિશેષ રૂપે કિમત કરવામાં આવી નથી. iPhone 12 Pro Max 6 GB સુધીની મેમરી સાથે આવી શકે છે, એમ અફવાઓ સૂચવે છે.
- સ્ટોરેજ વિકલ્પો 128GB અને 512GB ની વચ્ચેના હશે.
- iPhone 12 ને iPhone 11 ની જેમજ ડ્યુઅલ કેમેરા યુનિટ્સ મળશે તેમ કહેવામાં આવી રહ્યું છે, જ્યારે iPhone 12 Pro અને iPhone 12 Pro Maxને ટ્રિપલ કેમેરા યુનિટ મળવાની ધારણા છે.
- ગૂગલની જેમ Apple પણ તેની ગણતરીના ફોટોગ્રાફી ક્ષમતાને અપગ્રેડ કરે તેવી અપેક્ષા છે, અને નવા ડેપ્થ સેન્સર લાવી શકે છે.
- સરળ અને ઉચ્ચ રીઝોલ્યુશન તેમજ સ્લો મોશન વિડિઓઝ માટે 120/240fps પર 4K વિડિઓ રેકોર્ડિંગ થઈ શકશે.
eછાપું
